စီဘုံးတွေလိုက်ဖတ်နေရင်းနဲ့ စိတ်ထဲမှာ ခံစားချက် မကောင်းတာကြောင့် နောက်ပိုင်း မရဲတရဲဘဲ ချောင်းဖတ်ကြည့်ဖြစ်ပါတယ်။ ဘယ်နေရာမှာတော့ ဘယ်လိုပစ်ပြန်ပြီ။ ဘယ်နှစ်ယောက်သေသွား ပြန်ပြီ။ ဘယ်သူ့ကို အိမ်ပေါ်တက်ပြီး ရိုက်ဖမ်းသွားတယ်၊ စသဖြင့် ၊ ဒီခေတ်ဟာ လူ့ယဉ်ကျေးမှု (civilization and culture ကို ငြင်းဘုိ့မဟုတ်ပါ) အစွမ်းကုန် ထွန်းပတဲ့ခေတ်လို့ ပြောရင်လည်း မမှား ပါဘူး။ အဲဒီလို တွေးမိလေ ကိုယ့်နိုင်ငံအတွက်အရှက်ရလေ ဖြစ်လို့ပါ၊ အလယ်အလတ်လမ်းစဉ်လို့ ဖော်ပြထားတဲ့ ဗုဒ္ဓဘာသာကို အဓိက ကိုးကွယ်ရာ တိုင်းပြည်မှာ ကိုယ်ကိုးကွယ်တဲ့ဘာသာကို (ဘုရားတွေ၊ ကျောင်းကန်တွေ၊ အလှူ ပြုမှုတွေကို သေနတ်တကားကားနဲ့ လုပ်နေတဲ့ လူတွေကိုယ်တိုင်က) ကိုယ်တချိန်က အလေးအမြတ်ပြု ကန်တော့နေတဲ့ သူတွေကို နေ့ဘက် လမ်းပေါ်ရိုက်၊ ကန်ကြောက်၊ အုတ်ခဲနဲ့ထု၊ ဘက်နက်နဲ့ထိုး၊ သေနတ်နဲ့ပစ်၊ ကားနဲ့တိုက်၊ ညဘက်မှာ ကျောင်းတိုက်တွေထဲ အရက်ကိုးမောင်း တိုက်ထားတဲ့ လူ့မိစ္ဆာတွေကို ၀င်ပြီးရိုက်ခိုင်းကားနဲ့ တင်သွားခိုင်းတာတွေက တကယ့်ကို နာမည်ကြီး အာဏာရှင်များ၊ ဖက်ဆစ်များက အရိုအသေ ပေးလောက်တဲ့အကုသိုလ်နဲ့ဆက်စပ်တဲ့ အပြုအမူတွေပါ။ အာဖရိကက တွတ်ဆီနဲ့ ဟူတူ၊ ဥရောပက ယူဂိုဆလားဗီးယား စသဖြင့် လူသတ်ပွဲတွေ၊ လက်စား ချေမှုတွေကို ကမ္ဘာကြီးက မြင်ခဲ့ဘူးပါတယ်။ ခရူးဆိတ်စစ်ပွဲကစလို့ ဘာသာရေးမတူညီမှုတွေကြောင့် ဖြစ်တဲ့ စစ်ပွဲတွေ၊ အယူဝါဒ ကြောင့်ဖြစ်တဲ့ စစ်ပွဲတွေ ၊ လူမျိုးတုံးသန့်စင်စေမှုနဲ့ ဖြစ်ပျက်ခဲ့တဲ့ သွေးပျက်ဖွယ်ရာ ကိစ္စတွေ၊ အများအပြား။ ဒါပေမယ့် ဒီတခါ မြန်မာပြည်စစ်အာဏာရှင်ရဲ့ သွေးရုး သွေးတမ်း တုန့်ပြန်မှုကတော့ ကမ္ဘာကြီးတခုလုံး မှင်သက်မိသွားစေခဲ့တယ်။ ဒီအဖြစ်အပျက်က ကမ္ဘာ့ပြည်သူတွေရဲ့  အမြင်ကိုလည်း မြန်မာစစ်အုပ်စုဟာ ဘာဆိုတယ်လဲဆိုတာကို သေသေချာချာ မြင်တွေ့ခဲ့စေသလို၊ မြန်မာပြည်ထဲက လူထုကိုလည်း ရိုးရိုးရှင်းရှင်း ချပြပေးလိုက် တယ် လို့ ကျနော် ထင်ပါတယ်။ အဲဒီလမ်းဟာ ဒီတိုက်ပွဲကို နိုင်အောင်မတိုက်နိုင်ရင် တသက်လုံး စစ်တပ် ရဲ့ ကျွန်ဖြစ်နေမယ်ဆိုတာကိုပါ။ ဟိုတုန်းက ကြားနေသူလိုလို၊ မပြတ်မသားဖြစ်သူ အများစုလဲ ဒီဖြစ်နေတဲ့ လှုပ်ရှားမှုရဲ့ ရိုက်ခတ်မှုကြောင့် သူတို့ ကြားနေလို့မရမှန်း နားလည်သွားကြပါပြီ။ ဘာကြောင့်လဲဆိုတော့ နအဖရဲ့ လက်ပါးစေတွေက အိမ်ပေါ်ထိ တက်ရိုက် တက်ဖမ်းနေကြလို့ပါ၊ နောက်တချက်က ကျန်တဲ့ ဘာသာကွဲတွေကိုလည်း တပ်လှန့်ပေးသလိုဖြစ်ပါတယ်။ ဘယ်လို တပ်လှန့် ပေးသလဲ ဆိုတာက ဘာသာကွဲ (ခရစ်ယာန်၊ မူဆလင်၊ ဟိန္ဒူ စသဖြင့် ) အတော်များများဟာ မြန်မာ ပြည်သားဖြစ်ပေမယ့် ဗမာလူမျိုးနည်းလှပါတယ်၊ အဲဒါကြောင့် ဗမာလူမျိုးအများစုနဲ့ တိုက်ရိုက်ထိစပ် နေတဲ့ ဗုဒ္ဓဘာသာရဲ့ ရတနာသုံးပါးမှာ တပါး အပါအ၀င်ဖြစ်တဲ့ သံဃာတော်တွေကိုတောင်မှ အညှာ အတာမဲ့ ရိုက်နေခဲ့ခြင်းက ကျန်တဲ့ ဘာသာတွေကိုလည်း ဂရုမစိုက်ဘူးဆိုတဲ့ သဘောမျိုး သက်ရောက် ပါ တယ်။ အဲဒါရဲ့ နောက်ဆက်တွဲပြဿနာက ကျန်တဲ့ ဘာသာဝင်အများစုဟာ လူမျိုးစုတွေများတဲ့ အတွက်ကြောင့် ကျနော်တို့ မျှော်မှန်းထားတဲ့ ဖက်ဒရယ်ပြည်ထောင်စု ကိစ္စကို ထိခိုက်နိုင်ပါတယ်။ နိုင်ငံရေးအတွေးအခေါ်ဆိုတာဟာ ဆယ်စုနှစ် ဒါမှမဟုတ် ခေတ်ကာလတခုအတွင်းမှာ ပေါ်နိုင်ပါတယ်။ ဒါပေမယ့် ဘာသာရေးယုံကြည်သက်ဝင်မှု၊ မိရိုးဖလာ ထုံးတမ်းဓလေ့အစဉ်အလာဆိုတာက ကမ္ဘာ ကြီးရဲ့ သက်တမ်းနဲ့နီးနီး ရှိခဲ့တာပါ၊ ဒါက လက်ဆင့်ကမ်း ခံယူမှုဘဲဖြစ်တယ်။ အစဉ်အမြဲ သိစိတ်ထဲမှာရော၊ မသိစိတ်ထဲမှာရော စွဲနေတဲ့ တရားဖြစ်တယ်။ လူတယောက်ဟာ နိုင်ငံရေးပါတီတခုရဲ့ ပါတီဝင်ကနေ နောက်တပါတီကို နှောင်ကြိုးမဲ့စွာ ပြောင်းသွား နိုင်တယ်။ ဒါပေမယ့် ဘာသာရေးသက်ဝင်ယုံကြည်မှုတခုကနေ နောက်တခုကို နှောင်ကြိုးမဲ့စွာ ကူးပြောင်းသွားနိုင်ဘုိ့ ကတော့ မလွယ်လှပါဘူး။ ဥပမာ- နတ်စားတွေရှိတဲ့ ဒေသ မှာ ဘာသာတခုကို သာသနာပြုနိုင်ခဲ့တယ် ဆိုဦး။ တကယ်တမ်း ရောဂါဘယ ဆိုက်ကပ် လာပြီ ဆိုရင် သူတို့ကိုးကွယ်ခဲ့တဲ့ ဘာသာရေး နှစ်ခုစလုံးကို အကူအညီတောင်းကြတာပါ။ အခုတော့ မြန်မာပြည်ရဲ့ အဓိက ဘာသာတရားဖြစ်တဲ့ ဗုဒ္ဓဘာသာရဲ့ ရတနာသုံးပါးထဲက တခုကို စစ်အစိုးရ ဖျက်ဆီးခဲ့ခြင်းကြောင့် ကြားနေ ဆိုသည့်သူ အလွန်အမင်းရှားပါးသွားပါပြီ။ ကျနော်တို့ မြန်မာပြည်တပြည်လုံး စစ်အာဏာရှင်စနစ်အောက်မှ လွတ်မြောက်ရေးဟာ အဓိက အခရာ အကျဆုံးကိစ္စပါ၊ စစ်အာဏာရှင်မရှိမှ တိုင်းပြည်ဒီမိုကရေစီ ရှိမည်။ စစ်အာဏာရှင်မရှိမှ တိုင်းပြည် အတွင်း ပြည်တွင်းငြိမ်းချမ်းရေးရမည်။ စစ်အာဏာရှင်မရှိမှ တိုင်းပြည်ကို ဖက်ဒရယ် ပြည်ထောင်စု စနစ် အစစ်အမှန်ဖြင့် တည်ဆောက်နိုင်မည်။ ဖက်ဒရယ်ပြည်ထောင်စုဆိုတာကလည်း လူမျိုးစုများပေါင်းထားသော ပြည်နယ်များခွဲဝေနေထိုင်ရေး ကိုသာ ဆိုလိုခြင်း မဟုတ်ပါ၊ တပြည်နယ်အတွင်း နိုင်ငံတခုတည်းအတွင်း တည်ရှိနေသော လူမျိုးပေါင်းစုံ။ ဘာသာပေါင်းစုံ၊ အယူအဆပေါင်းစုံပွင့်လန်းစွာအတူယှဉ်တွဲ အမုန်းအာဃာတ ကင်းစွာ နေထိုင်မှုစနစ်ဟု သာ ထင်မြင်မိသည်၊ မြန်မာပြည်တခုလုံး၏ ဖြစ်ပျက်နေမှုကို ဂရုမစိုက်ခဲ့လျှင်တော့ တခုချင်းဆိုင်ရာ ကိစ္စများသည်လည်း သဲထဲက ရေသာ ဖြစ်မည်ဟု ထင်သည်။ ထို့အတွက်မိမိအနေဖြင့် အကြံပေးလိုသည်မှာ ၁၊ လက်ရှိဖြစ်ပျက်နေသည့် တိုက်ပွဲကြောင့် လူထုသည် ရန်ငါစည်း ပြတ်သွားပြီ။ ၂။ မိမိတုိ့တခုချင်းစီ ကိစ္စသည် မြန်မာတပြည်လုံးပြောင်းလဲရေးနှင့် ဆိုင်ကြောင်း အမုန်းအာဃာတ ကင်းစွာ ကြည့်မြင်စေလိုသည်။ ကျဆုံးသွားသော ရဟန်းသံဃာတော်များနှင့် ပြည်သူများအား ဦးညွှတ်လျက် Labels: အတွေးအမြင် |