ယမန်နေ့နောက်ဆုံးသတင်းများ
ရန်ကုန် မြို့တော်ခန်းမရှေ့ စစ်လော်လီကားများ ရပ်ထား၊ အင်အားပြနေ မြန်မာစံတော်ချိန် ည ၇ နာရီ (သတင်းပေးပို့ချိန်) ရန်ကုန် မြို့ခံတဦး ပြောဆိုချက် … “မြို့တော် ခန်းမရှေ့မှာ လော်လီကား ၇ စီးလောက် ရှိတယ်။ တစီးမှာ စစ်သားအယောက် ၃ဝ လာက်တော့ ရှိမယ်။ အနီးတဝိုက်မှာ ပြည်သူတွေကလည်း စစ်သားတွေ ဘာများလုပ်မလဲ ဆိုပြီးတော့ စောင့်ကြည့်နေတာ ၃ဝဝ၊ ၄ဝဝ လောက် ရှိတယ်။ ပစ်မိန့်တွေဘာတွေ ပေးထားတာမျိုးတော့ မရှိပါဘူး။ ပစ်မိန့်ပေးရင် လုပ်တဲ့လူက တာဝန်ခံ ဖြေရှင်းရမှာဆိုတော့ ဘယ်သူမှ မလှုပ်ရဲကြဘူး။ ကျနော်ထင်တယ်။ အင်အားပြတဲ့ သဘောလို့ ထင်တယ်။ စစ်သားတွေ သူတို့လည်း ကြောက်နေတာ ထင်တယ်။ ပြည်သူတွေက ကားထဲမှာပဲ နေနေကြတာ အပြင်တောင် မထွက်ရဲကြဘူး။ အန္တရာယ် ပေးနိုင်မယ့် အနေအထားတော့ မရှိပါဘူး။ စောင့်ကြည့်နေတဲ့ လူတွေထဲမှာ တချို့က ဆန္ဒပြပြီး ကတည်းက မပြန်ကြသေးဘဲနဲ့ စောင့်နေကြတာပေါ့နော်။ တချို့ကျတော့လည်း စစ်ကားတွေ တွေ့တော့ ဘာများ ဖြစ်ကြတော့မလဲ ဆိုပြီးတော့ လာကြည့်ရင်း ကြည့်ရင်းနဲ့ များသွားတာ။ ကားတွေရှိနေတာ နည်းနည်းတော့ ကြာနေပြီ၊ ညနေလောက်ထဲကပေါ့။ ၄ နာရီ ကျော်ကျော်လောက်က စစောင့်တာ ဖြစ်မယ်။ အင်တာနက်လိုင်းတွေ ဒီည ၁၂ နာရီမှာ ဖြတ်တော့မယ် ဆိုတာ ဖြစ်နိုင်တယ်။ အခုတောင် ကွန်နက်ရှင်က သိပ်မရချင်တော့ဘူး။ ဖုန်းလိုင်းတွေလည်း ဒီလိုပဲ မြို့တွင်းချင်း ကိုယ့်အချင်းချင်းတွေတောင် ခေါ်မ ရ၊ ပြောမရ ဖြစ်နေတယ်။ ဆန္ဒပြနေတဲ့ အချိန်မှာဆို ဘာမှပြောလို့ကို မရတော့ဘူး” ဟု ပြောသည်။ 7:10 PM “ဧရာဝတီတိုင်း အမတ်တစ်ယောက်ကတော့ ဆူးလေ ဘုရားကြီးရှေ့မှာ တရားဟောသွားတယ်။ နောက်စာရေး ဆရာကိုအောင်ဝေ ဟောတယ်။ ဘုန်းကြီးတပါး ဟောတယ်။ လက်ရှိ ကျောင်းသား လူငယ်တွေက သူတို့ ကျောင်းသားအလံကို ကိုင်ပြီးတော့ နောက်ကနေ စောင့်နေတယ်။ ဖြစ်ပျက်နေတဲ့ စနစ်တစ်ခုကို ရှင်းပြတယ်။ နောက်လွတ်တော် ကိုယ်စားလှယ်တွေကတော့ ကိုးဆယ်ခုနှစ်က သူတို့ ရရှိခဲ့တဲ့ သူတို့ ရွေးကောက်ပွဲ လွှတ်တော်တွေဟာ တိုင်းပြည်ပေါ်မှာ တကယ် စေတနာ ရှိတယ်ဆိုရင် ဒီနေ့ဟာ အချိန်ကောင်း တစ်ခု ဖြစ်နေပါတယ်။ နိုင်ငံတော် အစိုးရ အနေနဲ့ အမှန်အတိုင်းကို လုပ်ဆောင်ဖို့ ဆိုပြီးတော့ ဒါကိုပဲသူက အထပ်ထပ် အခါခါ တိုက်တွန်းသွားပါတယ်။ ကျောင်းသားတွေကတော့ ကျနော်တို့ဟာ လက်ရှိ ကျောင်းသားတွေပါ လက်ရှိ ကျောင်းက ပါလာတယ်ဆိုတာ လက်ရှိ ကျောင်းသားတွေရဲ့ မျိုးဆက်တွေ ဖြစ်ပါတယ် ဆိုတာကိုဘဲ ကြွေးကျော်သွားပါတယ်။” ဟု ရန်ကုန် ဆန္ဒပြပွဲမှ ပြန်လာသူ တဦးက ပြောပြသည်။
|